Akkarya اخبار عكار و لبنان والعالم
مقالات مشابهة
موسى_موسى
عمنقروش بسؤال سئلتوا انو ليش السعودية مسكرة عسعد الحريري وفاتحة لسمير جعجع علما ان الاخير سبق الحريري لبناء العهد الحالي والجاري والباقي …
بيقوم بيقلي صاحبي وهوي عتيق وخبير اذا مفكر السوريين ما خصن بلبنان بتكون غلطان واذا مفكر انو ما اخدوا التلت المعطل بالحكومة بتكون غلطان
واضاف هادي الحكومة هيي اكبر دليل ان السوريين من سوريا اقوى ما كانوا موجودين بلبنان
وعليه الضغط السعودي لن يتوقف حتى اجراء الانتخابات النيابية اذا صارت اذا صارت ولن يرتاح لبنان الا براحة سوريا والامر معقد
نعم عشرون وزيرا بحكومة الميقاتي تابعين لسوريا بشكل او باخر بما فيهم العهد واهله
وسوريا وحدها يعني كل المحور الروسي الايراني وحلفاؤه بكل العالم
يعني لو لم تشكل الحكومة ولو استقال الميقاتي لكان انفع لاهل السنة والجماعة في لبنان وما الرهان السعودي على التغيير عبر الانتخابات وعبر المجتمع المدني الا بصيص امل يراهن على عناوين شعبوية فكل المكونات السياسية ستتحالف في وجه المجتمع المدني المدعوم من السفارتين الاميركية والسعودية ولفيفهم في لبنان
يعني العونية والمستقبل وحزب الله والاشتراكي وكلن يعني كلن… سيتحالفون
ليش
لانو ما حدا بيقبل يخسر الانتخابات بهالبساطة والخبر الاسؤ انو الحرب عالبواب في سبيل الممانعة وكسب الانتخابات يعني اما الحرب والفوضى المنظمة والممسوكة او بيربحوا الحلفاء والمكونات والسوريين سبعون نائبا وما فوق
رجعت سئلت صاحبي
بس لمجنني انو السعودية مسكرة عسعد الحريري وفاتحة لسمير جعجع وجعجع من سبق الحريري الى هندسة بناء هذا العهد العوني
