الحق عالسفيرة… موسى موسى

موسى موسى :

يا صغيرتي …. الحق عالسفيرة
جميعهم شركاء بصناعة هذا البلاء
نحنا بعهد الغلاب والظلام والبلاء
وقلة الخبز والدواء

يعني الفريقين ليتركونا ويلي حكمونا
لكن … بعدنا عايشيين ومستورين
ما عمدافع ولا عمهاجم

انشالله تفهمي عليي
العلة بالبدن
رجعنا عهدنا علينا العهد القوي
واستقوانا
فمهي عليي
بالعربي رجعنا انتخبناهن
ههههه اه انتخبناهن
يا صغيرتي قلتلك العلة بالبدن
يا صغيرتي
من زمان مو بعيد كم سنة يعني
كنا ننام عالمكيف لانو كانت تجي الكهربا
وبطلت الكهربا تجي
وصار المكيف مسكن للعصافير
والعنكبوتة
قال شو ما بيخلوهن يبيعونا كهربا
هني مين
هني
العهد قوي … عهد قوي
وتعهد بتفقيرنا وتعتيرنا
وصار همنا لقمتنا
لك اه ما في خبز
والقوي فينا بيركب طاقة شمسية
تيوفر كهربا بديلة
قال شو السفيرة هيك بدها
هيك بيردوا بس نقلن
ما في خبز
بيقولوا السفيرة ما بتقبل
شو هالسفيرة
حاكمينها من ايران لفلسطين
وما عنا خبز
يا صغيرتي كنا ناكل لحم
وكل اكلنا كان مزفر
قبل العهد القوي
قام العهد القوي استقوى علينا
وعملنا نباتيين بالقوة
اه لانو هوي عهد قوي
يا صغيرتي كان راتب الموظف
شي تمنميت دولار
وبالعهد القوي صار تمانيين دولار
ما فهميني كرمال الله
قلتلك عهد قوي
واستلبص علينا
بعدين اجت الانتخابات قام رجعنا
نفس الزمرة مع بعض الضعفاء
ورجع العهد القوي
يمدد وهيمدد بغير وش
المهم
يا حلوتي كنا نروح ونرجع
ونطلع وننزل
يعني نكزدر
قام العهد زربنا بالبيوت
ليش صار البانزين نار شاعلة
هيك بدها السفيرة
وصار عنا تكتك
وجبنا مدسكل
اخخخخخ شو احكيلك
كلوا من السفيرة
يا حلوتي بيدبرنا الله
عايشيين ومستوريين
من فضل الله
بس جميعهم شركاء بهذا البلاء

عن Moussa Moussa

شاهد أيضاً

الإنتخابات البلدية طارت

تكشف أوساط متابعة للشأن البلدي أن الاتجاه حُسم لجهة عدم إجراء الإنتخابات البلدية في موعدها …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *