Akkarya اخبار عكار و لبنان والعالم
مقالات مشابهة
كتب : #موسى_موسى
انا بدي نغير كل النظام تبع زواريب المذاهب بس هسلم معكن واقبل نغير الطائف والدستور وندبر لهالتغيير غطا دولي وداخلي . ولهيك دعسة لازم يجتمعوا المكونات السياسية المعروفة يعني هني نفسن الحاكمين اليوم
طيب …
وخلال هالتغيير لازم كل طائفة تاخد حقوقها ومكتسباتها وعليه انا قبلان ياخدوا الموارنة العونية حقوقهم كاملة اضافة لكل حقوق التلاتوتلاتين بالمية من المسيحين اللبنانيين مجتمعين .
طيب …
بس بالمقابل بدي حقوق المسلمين وخاصة اهل السنة والجماعة كاملة والذين يشكلون تنين وسبعون بالمية مع باقي الاسلام من عديد اللبنانين والاقليات بنعطيهن حصتهم .
طيب….
هنا يظهر ظلم الطائف بحق المسلمين . وهدلكن وين . وقت بيعطي للموارنة وللمسيحين نصف عديد مجلس النواب وهني ما بيشكلوا نصف اللبنانين .
طيب …
وانا كمواطن عكاري شمالي ومسلم سني صار بيحقلي طالب بالدستور الجديد بنائب مسلم للكورة ونائب مسلم بالبترون واربع نواب زيادي بعكار ونائب جديد للمنية والضنية وبدي حقوق المسلمين السياسية بكل منطقة وخمس نواب جداد لطرابلس ….
طيب …
اذا حسبنا عدد الموارنة بعكار كلن مع ولاد عمي المسيحين وحسبوها معي انن اخدين وحدن نائب ماروني بيطلع معي انو بلدة برقايل وجوارها بيطلعلها نائب مسلم اذا القصة بعدد الناخبين وهزيد طلباتي المحقة نحنا بقيطع عكار من البحر للجرد بيطلعلنا تلت نواب اسلام ونائب مسلم لوادي خالد واكروم ونائب مسلم لساحل عكار وسهلها وما بتنازل عن نائب للدريب والجومة وبدي خصص لببنين وجيرانها نائب مستقل بناء” لحجمها الانتخابي العملاق يعني كم صرنا نائب مسلم بعكار صرنا سبع نواب اسلام بدي ياهن بالدستور الجديد البديل للطائف
طيب …
وهل تعلمون يامن تطالبون بحقوق المورانة ان الدستور يسمح للمسلم بالترشيح لرئاسة الجمهورية وانكم حصلتم عليها بالتراضي والتفاهمات التي انقلبتم عليها
طيب
هسايركن وخليلكن رئيس جمهورية ماروني بس بدي ياه من ولاد عمي بيت موسى وانا اعمل رئيس وزرا والمجلس متنازل عنو لصهر بيت موسى الشيعي وبدي كل صهورتي من الاسلام والمسيحية بالوزارة وبمجلس النواب والمؤسسات المدنية والامنية والعسكرية
طيب…
وللبيان والتكرار بدي نغير نظام زواريب المذاهب ولكنني قبلان معكن نغير ونعدل بالطائف بس هتلاقوا حالكن عمتعموها بدل ما تكحلوها تماما متل ما طالبتوا بحقوق المسيحين قام حرمتوهن الكهربا و
