Akkarya اخبار عكار و لبنان والعالم
مقالات مشابهة
موسى_موسى
قلوا اذا ما متت شوف مين مات
كل يوم عنا ناس مقوصين بعضن بضيعة شمالية كل يوم .كل يوم كل يوم
كل يوم عنا قتيل جديد وكم جريح
كل يوم عنا بلوة جديدة بتصيب اهلنا بغير ضيعة
وليش …
هون زمر زمور
هونيك شفط
زورني وزورتوا
سبقوا بالسيارة
وقع عالمدسكل
قلي وقلتلوا
وهيك قال
طرطشني مي
وبتبلش بتهديد
وانقلع من هون
وسد بوذك
وبفرجيك
وبتنتهي بالقواص
واهين شي فتح المشكل
وتعا خلصوا اذا فيك
المشكل هوي البلوي
المشكل يعني فتح قبور وحرق بيوت وتهجير وتشرد عبواب العالم ومستشفيات ومحاكم وولاد بلا مدارس وبيع اراضي وباختصار خراب بيوت فعلي
بعضنا بيحمل الدولة المسؤولية
انا موسى موسى بقول لا الحق مو عالدولة
الحق علينا وعتربايتنا .
تربايتنا بالبيت وبالجامع وبالمدرسة
وعالسلاح الموجود معنا تنقوص بعضنا فيه
بعضنا بيقول الحق عالفقر والبطالة
وانا بقول لا لا نحنا عوطلجية لانوا عنا شغل
وما بنشتغل وهقول كيف عنا شغل
بالضعية عنا فرص للشغل اكتر من المدينة
من الفحم للحطب للرمل والبحص والزراعة والنقل والمصالح والتجارة والمهن الحرة نجار وحداد وميكيانيكي وصياد سمك بالنهر وبالبحر
وعشرات اسماء مجالات الشغل
وحتى ما طول هخبركن شغلي
كل واحد مرق بتجارب قواص بيبطل يقوص
ليش لانوا تعلم انو القواص بيجيب السجن والمحاكم وخراب البيوت
وانت بتلاقي واحد يساعدك بالمستشفى وبالدوا
وما بتلاقي واحد يساعدك بالمحكمة .
بالمحكمة اذا عندك محبوس وانت عمتسعالوا
يعني انت صرت بلا شغل
بدك توقف بالمحكمة كل نهار
ليجي دور المحبوس تبعك
وشوف القاضي كيف ارفان منك
واي عسكري بيكحشك فورا
بالمحكمة يعني بدك محامي ومصاريف
وبدك تدفع الخساير ليسببها الازعر لبيقربك
واذا طلعتوا من الحبس بدن يقوصوه
وبدك يبعد عن الجماعة ليقوصن
وممنوع يشوفوه لو بالجامع
باختصار
حاجتنا بطرانين عبعضنا وخلينا ندبر شغل لبعضنا
وخلينا نشوف مين مات اذا ما متنا
