كتب : موسى موسى

كتب : موسى موسى
ليصاير انو
الشباب مشغولين بتعديل الطائف وتغيير الدستور والصلاحيات والتلت المعطل ومعوا تعطل كل البلد
وليصاير انو
اللبنانين عميشتروا البطيخة شراكة كل شخصين او تلاتي بيشتروا بطيخة . ليش لانو حقها بيبلش من مية وخمسين الف وبتروح للميتين وخمسين الف
وليصاير انو
باقي الازمات المعيشية بتعرفوها متل اللحم ميت الف والبانزين مقطوع ولا داعي لذكر كل همومنا المعيشية اليومية
وليلازم يصير انو
يا ابني اشبع وتفلسف
وليصار سابقا انو
كان قبل الطائف اصحاب الفخامة الرؤساء السابقيين يمكن عندن صلاحيات اوسع بس بنفس الوقت اصحاب الدولة يتمتعون بوجاهة عربية وعالمية ومحلية
وليصار سابقا انو
المرحوم رياض الصلح ورشيد كرامة وصائب اسلام ما كانوا موظفين عند اصحاب الفخامة قبل الطائف بل كانوا يتمتعون بفحولة سياسية ممئسسة بقاعدة شعبية وعربية وعالمية فضلا عن دور لزعامات غير سنية متل كمال بيك جنبلاط الذي كان يمارس حالة سياسية اشتراكية عالمية اكبر من المواقع اللبنانية الرسمية وكان زعيما لكل الجبهة اللبنانية
ولمطلوب يصير
انو الواحد بيكبر الكرسي مو الدستور ولا التلت المعطل ولا الكرسي لبتكبر القيمة انتواكبر قدر وقيمة
وليلازم يصير انو
يقطع الطائف وساعتوا ويقطع الدستور واياموا وهني منن كتب سماوية عدلوهن غيروهن ودبروا رئيس حكومة عهواكن ووظفوه عنكن ورجعولنا الحرب متل ايام شمعون وفرنجية واهم اسبابها ضعف رئيس الحكومة وجعله موظفا برتبة رئيس . عمذكركن وما بيهمني انا من جيل الحرب بس رخصولنا البطيخ واللحم ورجعولنا الدولار شوي بس وبدي خبركن انو حق كيس الباطون تسعين الف

عن Moussa Moussa

شاهد أيضاً

طليس: لتنفيذ البطاقة التمويلية

رأى عضو المجلس الاسلامي الشرعي الاعلى السابق الاستاذ علي طليس أن رفع الدعم عن المحروقات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *