موسى موسى : بخلاف رجلين انهار لبنان

كتب : موسى موسى
~~~
_ معقول خلاف رجلين معطل تشكيل الحكومة واحد اسمو جبران باسيل والتاني سمير جعجع…
_ او خلاف مجموعة سياسية مع واحد اسمو جبران باسيل عمل انهيار لكل لبنان
_ علما وللامانة حذرنا قبل سنتين السيد نصرالله وجنبلاط بيك من مجاعة مقبلة وقالوا ازرعوا وحافظوا على الحبوب وحينها قام معالي باسيل بزراعة البلكونة ومتل هالايام بتموز حمل معدور وراح يزرع باللقلوق …
ما علينا
_ اسهل حكي بينقال اه … فليعتذر الرئيس الحريري وبعدوا بنلاقي اسم طامح للقب دولة الرئيس وعقياس العهد … وينهار الباقي من لبنان واهمه السلم الاهلي .
بس بالاعتذار بيخلينا نقول لدولته… دولتك ورطتنا بهيك عهد وتركتنا نفس عالحكي للدكتور سمير جعجع الناقض الاكبر للعهد بالكلام . كمان يا حكيم ورطتنا بهيك عهد وتركتنا
_ وبحسب ثقافة الحكيم يجب ان نحاكم بالانتخابات كل من ورطنا بهيك عهد اضافة الى كل من يرشحه العهد .
_ اوليست هذه التركيبة النيابية الحالية هي الفاشلة وهذا القانون الانتخابي هو السبب في خلق هذه السلطة الحالية …بلى
_ اذا فلنحاكمهم جميعا وليتحمل العهد ومن اوصله كل مسؤولية امام كل اللبنانين وليمارسوا نقدا ذاتيا على طريقة وليد جنبلاط وليعتذروا وليسنحبوا افساحا بالمجال لغيرهم
_ يعني اقل ما يقال جبتوا العهد وصرتوا ضدوا
بعد شو ….
_ اكلوا الاخضر واليابس وجابوكن برات الملعب .. وطلعت صرختكن كحشونا وغدروا فينا ونكسوا بعهودهم ليك ليك هالحكي لك معكن الحق هني هيك بس قبل ما تجيبوهن هل كانوا قديسين واولياء صالحين طبعا لا
_ ام كانت لكم مصلحة معهم …
بلى
_ كانت لكم مصلحة ذاتية على حساب كل الشعب اللبناني وركبت الصفقة قام قلبوا عليكن …
_ والواقع انن بلاكن ما بيقدروا يحكموا وهيك صار كل فريق تمترس ضد التاني بحرب اهلية مذهبية باردة وانهار لبنان بسبب خلاف رجلين او خلاف مجموعة سياسية مع رجل فانهار لبنان …

عن Moussa Moussa

شاهد أيضاً

طليس : هدفنا العمل والانتاج

اعلن المرشح عن المقعد السني في عكار الحاج علي طليس ان نيتنا حمل الامانة بكل …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *