حزب الله بريئ من جهلنا … موسى موسى

حزب الله بريئ من جهلنا وموجود بيناتنا بكتير بلدات عكارية وذلك كباقي الاحزاب اللبنانية المتنافسة على السلطة بواسطة اكبر تمثيل شعبي لبناني … وهي ادوار ومداولات بين الاحزاب يعني مرة الكتائب حكموا لبنان ومرة بوعمار حكم لبنان والسوريين حكموننا ومرة المستقبل حكم لبنان واليوم حزب الله يحكم لبنان …الخ
_ انا موسى موسى كمسلم سني تابع لدار الفتوى ولي كل الفخر والمنة والشكر لحكمة ورعاية صاحب السماحة مفتي الجمهورية . (ما من عدو يقاتلني في ديني وارضي الا الاسرائيلي ويجب قتله اينما وجد… ) وكلنا كمسلمين تحت مظلة السعودية والسعودية ليست بخيلة علينا بس نحنا سراقين ومجرمين بحق بعضنا
_ السعودية راعية لكل الامة الاسلامية وبتعطينا اضعاف واضعاف ما تعطي ايران لحزب الله بس ما بيبين علينا لانا بنسرقن ….
_ انا لا يعنيني حزب الله بشيئ بس حبيت بين بعض الامور المتهم فيها حزب الله عالارض العكارية وبين حجم الجهل والتخلف عند البعض من مسلمي عكار هو من سنن عكاريتنا المتوارثة . يعني وقت سليمان العلي قتل محمد العبود رحمهما الله وين كان حزب الله
_ ومن دون مصادر انا بعرف يعني انا المصدر والكاتب
_ حزب الله ما بيقلنا روحوا قتلوا بعضكن كما حصل بالقرقف وبوادي الجاموس وبقبعيت وبفنيدق وبضيعتنا وبكل ضيعة اوصنا بعضنا الحقيقة والحقيقة ما خصوا حزب الله فينا بس يمكن بيقدر يسعى ليصلحنا ببعضنا نفس الشي عند المجتمع الشيعي وجمهور حزب الله بيقوصوا بعضن اكتر وذلك من عادات اللبنانيين لان تكويننا راكب عل حالة عشائرية مسيحية واسلامية وبنحب السلاح وكل بيت بقلبوا سلاح خفيف او متوسط من حزب الله او من غير احزاب او من سياسي او متمول
_ حزب الله موجود بيناتنا في_ ببنين برقايل تكريتفنيدق وادي خالد_ اكروم_ وسهل عكار _ وموجود بغير بلدات وله حلفاء مسيحيون
_ حزب الله بيساعد بما يطلب منه ضمن مساحته الخدماتية وما بيطلب شي غير الانتماء السياسي الصامت يعني لا يطلب الاشهار بالانتماء ولا يطلب رفع علمه وما بدو شي من تلك السفاهات التي يعلنها بعض العكاريين حتى امور البلديات لا يعول عليها حتى يجنب جماعته اي صراع مفترض
حزب الله بدو انتشار تمثيلي تحالفي سياسي مش اكتر وما بيطلب منتسبين من عكار هني هني بيروحوا لعندو وحدن بغية اكتساب مصالح فردية وبيعملوا واسطة ليقبلن لا واكتر من هيك بيعملوا تقارير ببعضن للحزب ويتنافسون بالتملق والهدايا للوصول الى مواقع متقدمة من مسؤولي حزب الله. وشوفوا عالارض ما في مشتركات ولا تحالفات بين جماعة حزب الله بعكار هني مع حزب الله وهني ضد بعضن عند حزب الله وبقلب عكار . حزب الله فهمان امور عكار وبيعرف انه لا يستطيع جمعهم في دائرة واحدة لذلك يستقبلهم منفردين وبيلبي خدماتهم منفردين ويحاول قتل روح المنافسة فيما بينهم ولا يزالون يتنافسون وتلك الفعاليات كاصحاب الفضيلة المشايخ وسواهم لا يطلب منهم التشيع واكتر ما يراد من المصروف عليهم وخدمتهم ليكونوا ( معنا احسن ما يكونوا ضدنا لان وجودهم هنا يضعف وجود من ضدنا)
_ حزب الله يتعاون معهم وبيقدملن خدمات عالطويل وعالقصير ضمن مساحته بالدولة ومن مؤسساته الخاصة
بينطلب ملعب مثلا بيعمل ملعب بينطلب وظيفة بيوظف او رخصة مدرسة جمعية نادي مستوصف …. الخ وكل الخدمات الانمائية والتوظيفية والقضائية وبيتجاوب ….وبينطلب منوا سلاح وبيعطي اه بيعطي سلاح بس ما بيقول اوصوا بعضكن
_ حزب الله مو مسؤول عن جهلنا ولا مسؤول عن اهمالنا وفقرنا
_ حزب الله ما قال لاسيادنا من بيت الرفاعي اوصوا بعضكن وانا متاكد ولا قال لحدا يئوص بيت الرفاعي ولا قال لبيت الرفاعي اوصوا حدا يعني بيت الرفاعي منهم الاواصون ومنهم الاسياد ومنهم العلماء وووووو
_ حزب الله له منتسبين من اسيادنا بيت الزعبي بعكار . بس ما اوصوا حدا ولا حدا اوصن ولا اوصوا بعضن والزعبية والرفاعية والكيلانية اسيادنا ومشايخنا انما منهم اصحاب الدين ومنهم دون ذلك
يعني ما نحمل المسؤولية الا لنفسنا ولجهلنا وتخلفنا ولوكنا اكثر وعيا لكنا اخدنا حزب الله مطرح ما بدنا ولكنا استفدنا من خدماته لناحية انمائنا ونهضتنا
ولو لم تتركنا قياداتنا لمصيرنا ولو لم نسرق معونات ومصريات السعودية والخليجية لما وجد حزب الله مساحة ليفوت منها بيناتنا ويخدمنا …
_ حبيت اكتب هالكلمات وبكل صراحة لاعمل رد على تلك الاصوات التي ارتفعت على صاحب السماحة مفتي الجمهورية وسماحة مفتي عكار على خلفية جريمة القرقف واشيد بحكمتهما واشد على مواقفهما العاقلة والحكيمة ولا اشير عليهما بل انحني طوعا لامرهما واقول لسماحتهما ان التفلت الامني يطال كل الاراضي اللبنانية وما يحصل بين المسلمين السنة يحصل عند الشيعة والدروز والموارنة وان حكمتكهما هي المرجع لمعالجة المشاكل السابقة والمفترضة لا سمح الله … وعليه اقول . لم يضع حزب الله حصانة لمجرم ولم يرفعها عن مجرم وكل الشكر للاجهزة الامنية الصادقة والمكافحة ما استطاعت …
_ حزب الله بريئ من جهلنا وموجد بيناتنا بكتير بلدات عكارية كباقي الاحزاب اللبنانية

عن Moussa Moussa

شاهد أيضاً

الكسار عرفات يوم عظيم من مكان عظيم

اعتبر عضو المجلس الاسلامي الشرعي الاعلى الدكتور كفاح كسار ان يوم عرفات يوم عظيم لاستجابة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *